परिचय

बुलढाणा जिल्हा हा भारताच्या महाराष्ट्र राज्यातील अमरावती विभागात आहे. हे विदर्भ प्रदेशाच्या पश्चिम सीमेवर वसलेले आहे आणि राज्याची राजधानी मुंबईपासून 500 किमी अंतरावर आहे. जिल्ह्यात बुलढाणा, चिखली, मेहकर, लोणार, देऊळगाव राजा, सिंदखेड राजा, खामगाव, शेगाव, जळगाव जामोद, संग्रामपूर, नांदुरा, मलकापूर आणि मोताळा असे १३ तालुके आहेत. याच्या उत्तरेस मध्य प्रदेश, पूर्वेस अकोला, वाशीम व अमरावती जिल्हे, दक्षिणेस जालना जिल्हा व पश्चिमेस जळगाव व छत्रपती संभाजीनगर जिल्हे आहेत. खामगाव हे जिल्ह्यातील सर्वात मोठे शहर आहे.